Startseite
  Über...
  Archiv
  Gästebuch
  Kontakt

 
Links
  Simone in Mexico
  Chantal in Argentinien
  Celestina in Argentinien
  Meine Fotos
  Tanja in Bolivien
  Adriana in Chile
  Patricia in Bolivien


Webnews



http://myblog.de/norinamueller

Gratis bloggen bei
myblog.de





 
Mini Rais

halloooooo

I bins... Also i bin guat achoo... es isch eifach a uh langi reis gsii aber do miar so viel gsii sind isch es relativ schnell verbii ganga.

Im Moment bin i ima Camp in Santa Cruz. I han aber mini Familia kurz gseh und mis neua dahai au. Mini Famlia isch uh nett und sie hend mehrmols gsait, dass sie sich sehr freuen, dass i do bin. T Mama het a Taefeli mit minem Nama gschriba, damit i uf em Flughafa au g`wuesst han wo i hera muas...

Im Moment bin i eifach uh muad und i probiar das ganza do irgedwia z realisiara...

Do bi ues isches im Moment ersch 6i am Obet, aber i bin sooo mued Z Klima do isch sehr speziell, es isch sau heiss und fuecht, aber vorher hets grad mol voll gregent. aber nur 5 Minuta

I hoffa i koera bald aswas vu eu...

Bis bald

Norina

7.7.07 23:24


Mini Familia

Halloo

Jo i bin huet Morga bi minera Gastfamilia achoo. Sie sind alli uh nett und hend sich uh ueber t gschenkli gfreut

Mini chliina zei bruedere sind uh haerzig und sind mer schu go dr Pool und so go zeiga:P

Foetali kann i im Moment nonid ina tua, will i no fasch ekini gmacht han und i nid wais wias got

Also bis bald

Norina

P.S. Sie saegend mer ez alli Nina

8.7.07 20:03


Samaipata

halloooo

Jo ez bin i wieder zrug us da ''feria''. Miar sind uf Samaipata... Das isch es chliises Staedtli in da Berga. Aber au doet isches uh kalt gsii...

Jo uf jed Fall han i den am Donnstig vooll Buchweh kriagt und schlecht und es isch mer eifach nid guat ganga( aber das isch jo normal...) Aber huet gots mer eigentlich schu fasch wieder guat..

Uf em Heiweg vu Samaipata, so mer schu fasch wieder dahai gsii sind, simer voll in en Unfall grota 4 Autos sind involviert gsii... 1 Auto isch voll zu Schrott worda... Jo und z' hinterst isch den aso es chliises Maendli in sinem chliina Auto ghogt... Jo uf jeda Fall hend alli voooll uf ihn igschraua und er het miar eifach nur Leid tua, will er het au no usem Muul bluetet...

I han hald schu uh Muah mit dr Armuat... Es isch eifach so krass dae Kontrast zwuescha riich und arm...

 

Huet, also am sunntig simer den in da Zoo vu Santa Cruz. Dae isch huara gross, mit tiger, panther und allem... Aber dia Tiar laebend ins oo chlina kaefig...

Bis bald

Eueri Nina

15.7.07 22:47


Winter

jo halloo

Wia gots den eu allna soo? also miar gots eingentlich  guuat abgseh davo, dass i immer mued bin

jo i verzella eu mol chli vu minem laeba doo:

also ez sind feria und drum schlofemer eigentlich immer bis em 10i. den gits z'morga. immer wieder oeppis anders, also entweder brot und kaes, oder korn flakes, oder jogurt, oder iefach nur a warmi schoggi... jo und denn gots eigentlich fasch immer vor da fernseh, oder miar spielend UNO. Ab und zua goemer au no in da supermercato. dae isch eigentlich fasch gliich wia in dr schwiiz, nur das alles irgendwia gstaplet isch und's berga vu sacha git Z'mittag gits ersch oeppa am 1 oder 2. aber z' essa do isch eifach uh guuat (i han ez schu angst, wenn i dra denga wia i imna johr usgsehn) Gester bin i den mit minera gotta und ihrana fruenda in t stadt go uma flaniera... sie redet nur spanisch, aber gester hemer afanga abiz koenna zaema reda doetr sind amog no anderi ustuschschueler, au eini vu duetschland und sie hilft miar und em nicolas (er isch au us dr schiiz) a biz. das isch suuper, sus waeremer echt ufgschmissa:S Jo gester han i den en ice tea bstellt und es isch den au en ice tea cho, abe nid so eina wia i erwartet han t haelfti vum glas isch volla mit '' schnee''. aber es isch uh fein, nur a chli gwoehnigsbeduerftig:P Aber santa cruz isch so a cooli stadt am obet han i amig z gfuehl, alli luet sind uf da strossa... ueberall luet und doet es gehupe und ueberal luechtets uh idrueklich...

Jo i melda mi bald wieder...

Bye    Nina

17.7.07 19:25


News

hola!!!

i bin's mol wieder

ez sind schu a paar taeg wieder verganga und es isch gar nid so viel passiert... do i no feria versuach i t ziit mit fernseh luaga uma z bringa.. aber huet bin i mit dr alina (das isch a duetschi, wo ez grad es johr do z santa cruz gsi isch) uf t feria... das isch es riiiiiesigs gebeude mit ganz vielna laedeli... doet kama eifach alles ha...-->aber au alles verluera. ma muas uh uf sies zueg ufpassa sus wirds eim eifach grad gstohla! uf jeda fall han i gschwelgt in dena viela sacha

uf em heiweg isch mer den oeppis komischs passiert: i bin mit dr alina ganz normal t stross entlang gloffa. miar hend plauderet und nid wiiter uf di andera luet gachtet. uf eimal riesst miar aswer an minera ketti!!! (dia han i vur karin kriagt und isch mer sehr wichtig...) zum glueck isch dr verschluss gnuag fescht gsi, sus het i mini ketti ez nuem. jo dia jungs sind ues den no a biz gfolgt, hend den aber aswenn z interessa verlora... shit, do han i also schu grad a schock ka... i het doch Nia dengt, dass dia miar t ketti grad vum hals riessend!!! jo zum glueck ischs nomol guat ganga...

aber ez zu oeppis erfreulicherem: am fritig gon i mit dr alina und ihrem bruader und vielna fruenda vu ihna uf es vilma palma konzert. i wais zwor nid gnau wer dia sind, aber t alina het gfunda das sig dae alass vu dem johr jo i lon mi eifach mol ueberascha

im moment simer grad am luaga weg minera schual. i bin ganz kurz t franco boliviano go aluaga. sie isch riesig! alles isch hald schoen putzt und soo, wills hald eifach a tueri schual isch... aber mii mama isch ez am luaga, ob i uf t schual vur alina kann. sie het z gfuehl, dass wenns dr alina doet sooo guat gfalla het, dass es miar den sicher au gfallt uf jeda fall hon i mora dia schual mol go aluaga. mini ''gotta'' wuer eba au doet in t schual go, also vu dem her waers no cool, denn wuer i wenigstens schu aswer kenna

ah jo, gester bin i bim choiffeure gsii... kei angst, i gsehn immer no glich us:P aber es isch no cool gsi: ma kunnt in dae lada ina und den kunnt grad aswer und druckt di ina stuahl. den choemend no 2 anderi und zupfend an dina hoor uma und redend uf di ii das isch no lustig gsi, aber au chli bloed, will i eifach nuet verstanda han aber uf jeda fall han i ez a frisur wo ma sich gseh lo kann

i hoffa es got eu allna au guuat und iar meldend eu bald wieder bi miar... uh liabi gruess us santa cruz

nina

p.s. i han ez mini foeteli uf anera homepage: http://norina-mueller.medion-fotoalbum.de    luagend doch mol doet ina

26.7.07 03:33


Vilma Palma

hola!!!

alsoo do wieder mol z neusta us santa cruz

i han ez also t schual gwechslet. i gon ab mora an t bellas artes. miar sind zur direktorin vu dera schual und mini mama und sie hend a chli plauderet und uf jeda fall gon i ez uf dia schual. i han jeda morga am 8i schual, bis em 12i. immer in 2 stunda bloeck. am nomittag het ma kei ''schual''. ma muas aber oeppis macha das heisst: ma kann theater spiela, im chor singa, tanza, es instrument spiela, irgend oeppis. i han ez tanza gwaehlt und han ab mora jeda mentig, mittuch und fritig vum 4i bis am 6i tanza. miar tanzendi immer wieder aswas anders. mol jazz, mol balett und zum teil au tradizionells. jo i lon mi ez mol ueberascha... aber di ersta paar mol werd i ez schu mol verpassa, will i ab mora in a spanischkurs vu AFS muas. vor em schualafang bangts mer a chli, will dia luet nur spanisch redend.... aber sie werdend mer jo hoffentlich a biz helfa.

also mis highlight vum letschta wuchaend isch z konzert vu vilma palma gsii!!! z konzert het schu am 9i agfanga, aber es hend den no 3 vorbands gspielt und vu dem her het den Vilma Palma ersch am 12i oder sogar ersch am halb 1 gspielt... aber es isch uh cool gsii.... das konzert isch unter freiem himmel gsii und miar sind una zmitzt in dr mengi gsii i wais nid wia viel luet doet gsi sind, aber es sind uf jeda fall viel gsi t fruenda hend mi uh nett ufgno und miar hend alli tanzt und gsunga und spass ka i han t liader nur es biz kennt, aber di andera hend mi agsteckt mit ihrera guata luuna was a biz piinlich isch isch, dass i ez muskelkater han...  will miar sind oft bim refrain uf und ab gumpt und i mach das doch sus nia

am samstig het mi min bruader den no uf a party vu sina kollega mitgno. au dia het ersch am 11i agfanga... dia party isch unter freiem himmel gsii eifach mit ama daechli und ara buehni zum tanza. eigentlich waer das jo cool, aber i han doet nid wuerklich spass ka, will alli eifach gsoffa hend und staendig a musik gloffa isch, wo ma eifach nur mim arsch wackla kann(sorry, aber es isch soo...)!!!! es isch hald aswas komplett anders gsi als was i am fritig erlaebt han. am fritig ischs hald so locker gsii und uf dr andera party ischs eifach drum ganga, wer z kuerzista roeckli a het... zum glueck het dr renato a kollegin doet ka wo au nid het moega lang bliiba. ihri mama het ues den aswen abgholt

also den machends mol guat und i melda mi bald wieder und verzella eu, wia min schualstart gsi isch...

bis bald!!!!

Nina

30.7.07 03:15





Verantwortlich für die Inhalte ist der Autor. Dein kostenloses Blog bei myblog.de! Datenschutzerklärung
Werbung